Маршрут Мядзел >
Кропкі маршрута Мядзел
Руіны гэтай капліцы можна ўбачыць побач з дарогай Р86, калі ехаць з Мядзела – з левага боку. Гэтыя землі калісьці ўваходзілі ў склад маёнтка "Старая Жосна" і належалі Снарскім. Цагляная капліца ў стылі рэнесансу была ўзведзеная на штучным пагорку ў 1669 г. У 1950 г. капліцу ўзарвалі.
Касцёл Маці Божай Шкаплернай у стылі барока з цэглы быў пабудаваны ў 1754 г. У 1866 г. яго пераасвяцілі як праваслаўны храм. Вернуты каталікам ў 1920 г. З 1945 па 1989 гг. быў закрыты. Сёння храм адноўлены і адкрыты для вернікаў. Побач знаходзіцца жылы корпус кляштара кармелітаў (XVIII ст.). На могілках можна ўбачыць капліцу-надмагілле Быхаўцаў (1820 г.). Захаваліся ў гарадку і габрэйскія могілкі.
Касцёл Святога Апостала Андрэя ў стылі неаготыкі пабудаваны з цэглы ў 1901 г. У 1925 і 1995 гг. яго рэстаўравалі. Цераз дарогу стаіць вялізны будынак плябаніі (1903 г.). Ад маёнтка Пікутоўскіх (ХІХ ст.) захаваліся моцная пабудова бровара і гаспадарчая пабудова. У 1860 г. пабудавана царква Святога Іллі. У Нарачы таксама знаходзіцца помнік салдатам Першай сусветнай вайны і габрэйскія могілкі.
Магчыма, першапачаткова гэты храм быў каталіцкім. Сёння ён вядомы як царква Святой Троіцы. Узведзеная святыня ў 1926 г. з дрэва ў стылі народнага дойлідства. Царква абсаджана маладымі лістоўніцамі.
Храм у рэтраспектыўна-рускім стылі ўзведзены з цэглы і каменю ў сярэдзіне ХІХ ст. на месцы старажытнага драўлянага храма. Да 1980 г. царкву выкарыстоўвалі пад склад зерня. У 1990 г. яе адрэстаўравалі. На трох’ярусную званіцу зноў узнялі купалы, былі адноўленыя агароджа і арачная брама.
Узведзена царква Св. М. Цудатворца з каменю і цэглы ў рэтраспектыўна-рускім стылі ў 1905 г. Да 1990 г. храм быў жаласным стане: адсутнічалі купалы і дах, разбураліся аконныя праёмы. Сёння святыня прыкметна змянілася, ідуць аднаўленчыя работы. Аднаўляецца і ўнутранае ўбранне храма.
Упершыню пра гэтае ўнікальнае месца загаварылі ў самым канцы ХХ ст. Побач з дарогай Р28 можна ўбачыць пяць камянёў у выглядзе плоскіх пліт са знакамі, якія ў асноўным абазначаюць фазы месяца. Каменны комплекс сарыентаваны на Палярную зорку. Магчыма, гэта паганскае капішча, якому не менш за паўтары тысячы год.
Узведзена гэтая пабудова ў самым канцы 1930-х гг. Гэта будынак лясніцтва з якасна абчасанага сасновага бруса. Ёсць таксама меркаванне, што гэта будынак польскай школы з пакоямі дырэктара школы на другім паверсе, пабудаваны ў 1927 г.
Каля вёскі Узла знаходзіцца вельмі маляўнічае месца. Руіны старога млына ўзвышаюцца непадалёк ад драўлянага моста цераз раку Узлянку.
На ўскраіне невялікай вёсачкі дажывае свой век невялікі будынак, у якім да нядаўняга часу дзейнічала сельская школа. Але ў 1930 г. гэтая пабудова з бетонных блокаў у стылі канструктывізму ўзводзілася як касцёл. Старажылы сцвярджаюць, што пабудаваны храм ў гонар польскага палітычнага дзеяча Ю. Пілсудскага.
Фотагалерэя