Маршрут Рэчыца >
Кропкі маршрута Рэчыца
Каля вёсак Першамайск і Аколіца Гомельскай вобласці знаходзіцца возера Святое. З гэтым возерам звязана мноства легенд і павер’яў.
У сярэдзіне XVII ст. на беразе ракі Бярэзіны стаяў горад Казімір. З 1643 г. ён меў Магдэбургскае права, свой герб, была пабудаваная ратуша, дзейнічала гарадское самакіраванне. Горад быў цалкам знішчаны падчас вайны 1654 – 1667 гг. паміж Рэччу Паспалітай і Расіяй. У 2006 г. у акрузе праходзілі маштабныя археалагічныя раскопкі, якія пацвердзілі факт знаходжання тут старажытнага горада.
Па дадзеных археалагічных даследаванняў, у гэтых месцах чалавек сяліўся яшчэ ў VII ст. да н. э. У XI ст. тут знаходзілася гарадзішча дрыгавічоў. Згадка пра Лоеў у складзе ВКЛ датуецца 1505 г. З XVI ст. гэта мястэчка з замкам. У сучасным пасёлку можна ўбачыць прыгожыя дамы радавой забудовы па вул. Савецкая 1 і 4 (1874 г.) і па вул. Леніна. Уяўляе цікавасць прасторная набярэжная Дняпра.
У 2005 г. за пяць кіламетраў ад невялікага пасёлка Мольча, сярод асушаных балот, ва ўрочышчы Ніколін Востраў створана аграсядзіба. У 2006 г. сюды з вёскі Ляды Жлобінскага раёна быў перавезены і часткова адноўлены вятрак-шатроўка 1883 г.
Гэтае паселішча ў Бабруйскім старостве ВКЛ згадваецца з XV ст. З XVII ст. – мястэчка. Захаваліся будынкі двухпавярховай карчмы і бальніцы (XIX ст.). На вул. Камсамольская, 3 знаходзіцца цагляны будынак жаночага духоўнага вучылішча, пабудаваны ў 1881 г. Цікавая радавая забудова XIX ст. У Парычах пахаваны былы дзекабрыст М. І. Пушчын і яго жонка Марыя Пушчына.
У першай палове XIX ст. ля самога Дняпра створаны колішні панскі маёнтак, якая належаў І. Рудзееўскай з графскага роду Юдзіцкіх. Прыкладна ў 1835 г. з цэглы збудаваны прасторны сядзібны дом у класічным стылі і створаны пейзажны парк, які і сёння захоўвае былое хараство.
Вядомая з 1213 г. З пачатку XIV ст. знаходзілася ў складзе ВКЛ і належала князю Вітаўту. У 1561 г. атрымала няпоўнае Магдэбургскае права і герб. У 1903 г. у горадзе пабудаваны Траецкі касцёл у стылі неаготыкі. У 1932 г. у касцёле адкрылі склад. Да 1999 г. у касцёле нават працаваў піўны бар. Успенскі сабор пабудаваны з цэглы ў стылі класіцызму ў 1842 г. Захаваліся габрэйскія могілкі і сінагога, а таксама будынак былой паштова-тэлеграфнай канторы.
Гэтае мястэчка знаходзілася ў Рэчыцкім павеце ВКЛ. Вядома пасяленне з пачатку XVI ст. і належала Халецкім, Валовічам. Тут быў падпісаны акт падзелу беларускіх земляў пры першым падзеле Рэчы Паспалітай. Захаваўся будынак шпіталя, пабудаваны з цэглы ў пачатку XIX ст. Сёння будынак прыстасаваны пад праваслаўны храм.
Паселішча вядома з XV ст. З 1860 г. уваходзіла ў Заспенскую воласць. У вёсцы ў цудоўным стане захавалася драўляная царква, пабудаваная ў неарускім стылі ў 1902 г. Храм збудаваны ў гонар святога апостала Іаана Багаслова. Пры пабудове святыні выкарыстаны тыпавы праект. Над бабінцам – вытанчаная званіца, невялікага аб’ёму трапезная.
Фотагалерэя