Маршрут Столін >
Кропкі маршрута Столін
Адразу за вёскай раскінуўся ландшафтны заказнік «Альманскія балоты». У самой вёсцы можна ўбачыць Васкрасенскі храм. Пабудаваная царква ў рэтраспектыўна-рускім стылі з дрэва ў 1888 г. Святыня ўзведзеная на месцы храма, пабудаванага ў 1824 г.
Вёска працягнулася больш чым на сем кіламетраў уздоўж дарогі Р88. На гэтым спадзістым ўзвышшы яшчэ у 1833 г. стаяў старажытны храм. Сёння на яго месцы ўзвышаецца драўляная царква ў неарускім стылі, пабудаваная ў 1905 г. Царква названая ў гонар Святой Тройцы. Багаты вонкавы дэкор надае святыні прыбраны і ўрачысты выгляд.
Царква Святой Параскевы Пятніцы, пабудаваная з дрэва прыблізна ў сярэдзіне XVIII ст., хутчэй за ўсё, спачатку была ўніяцкай. У 1884 г. святыня перабудаваная або ўзведзеная нанова на падмурку больш старога храма. У працэсе перабудовы да першапачатковых трох зрубаў храма была прыбудаваная драўляная двух’ярусная званіца.
Вядома пасяленне з XVII ст. Вёска раскінулася паміж ракой Гарынь і дарогай, якая вядзе на Столін, ля самай мяжы з Украінай. На адкрытай мясцовасці ў самым цэнтры вёскі стаіць царква Нараджэння Найсвяцейшай Багародзіцы. Пабудаваная яна з дрэва ў неарускім стылі з рысамі канструктывізму ў 1926 г. на месцы старажытнага храма, збудаванага тут яшчэ ў канцы ХVII ст. Ёсць версія, што цяперашні храм перабудаваны са старога.
Праваслаўны храм пабудаваны тут з дрэва ў 1910 г. Пры перабудове святыні ў 1990-х гг. да асноўнага аб’ёму храма, малітоўнай залі, была прыбудаваная трапезная прыкладна такога ж памеру. Над ёй узвышаецца невялікая васьмігранная званіца, увянчаная мініяцюрным купалам з крыжам. Побач з вёскай знаходзіцца магіла ўдзельнікаў паўстання 1863-1864 гг.
Згадваецца ў пісьмовых крыніцах з 1558 г. Адзін час гэтыя землі належалі вядомаму шляхецкаму роду Алешаў. У 1872 г. ў цэнтры вёскі з дрэва ўзведзеная царква Св. Прарока Іллі ў стылі народнага дойлідства. Інтэр’ер храма ўпрыгожваюць абразы XVIII ст.
Паселішча вядома з 1500 г. як валоданні старадаўняга шляхецкага роду Алешаў. Захаваўся сядзібны дом, пабудаваны Антоніям Алешам для сына Канстанціна ў 1890 г. Дом акружае пейзажны парк, які добра захаваўся. Можна ўбачыць руіны лядоўні. Трохі лепш захаваліся гаспадарчыя пабудовы і будынак бровара.
Вядомы Столін з 1555 г. З XII ст. уваходзіў у склад Тураўскага княства, з сярэдзіны XIV ст. – у склад ВКЛ. У 1655 г., у час вайны з Расіяй, горад быў спалены рускімі войскамі. У Століне сёння можна ўбачыць Галоўную сінагогу і ешыву, будынак староства. Узнясенская царква пабудаваная з дрэва ў неарускім стылі ў 1938 г. Захаваліся гандлёвыя шэрагі і старажытны парк «Маньковічы», у якім можна ўбачыць мемарыяльны камень з датай яго закладкі.
Каб трапіць у гэтую вёску з Століна, трэба пераехаць раку Гарынь па пантонным мосце. У цэнтральнай частцы вёскі велічна ўзвышаецца драўляная царква Св. Арханёла Міхаіла, пабудаваная ў стылі народнага дойлідства ў 1911 г. Уваход у храм размяшчаецца ў бакавой частцы бабінца ў выглядзе ганка з чатырма слупамі, якія падтрымліваюць двухсхільны дах.
Фотагалерэя