Богаяўленскі манастыр >

Заснаваны Богаяўленскі мужчынскі манастыр у сярэдзіне XVI ст. У сярэдзіне XVII ст. пры манастыры працавала драўляная царква і драўляная брацкая школа, у якой некалькі гадоў выкладаў беларускі пісьменнік і філосаф Сімяон Полацкі. Новы каменны храм у стылі барока пабудаваны ў 1761 г., прыкладна ў той жа час былі ўзведзеныя новыя карпусы манастыра. У 30-я гг. XIX ст. храм быў перабудаваны. З 1981 г. у царкве дзейнічала карцінная галерэя, але ў 1991 г. яна была вернута вернікам.