< Чарнаўчыцы

Паселішча вядома з XV ст. Уваходзіла ў склад ВКЛ, было ўласнасцю Ільінічаў, Радзівілаў. На сродкі Радзівіла Сіроткі быў пабудаваны каталіцкі Траецкі храм у стылі рэнесансу з элементамі абарончага дойлідства. Побач з касцёлам была ўзведзена трох’ярусная званіца ў тым жа стылі. У 1718 г. мястэчка атрымала Магдэбургскае права і герб. У 1733 г. збудавана драўляная ўніяцкая святыня. Пасля паўстання 1863-1864 гг. яна была перабудаваная і пераасвячоная ў праваслаўную царкву, якая сёння нясе рысы барока.