Гімназія >

Гэтая навучальная ўстанова была адкрыта ў 1919 г. як навагрудская беларуская гімназія. У 1934 г. польскія ўлады закрылі гімназію, а ў 1939 г. яна была зноў адкрыта па ініцыятыве будучага беларускага навукоўца, прафесара Барыса Кіта, які стаў дырэктарам гэтай навучальнай установы. Таксама ў гімназіі некалькі гадоў працаваў настаўнікам малявання мастак Язэп Драздовіч. Убачыць будынак гімназіі, пабудаваны ў класічным стылі, можна па вул. Сячко, 1. Сёння там таксама размешчана навучальная ўстанова.