< Касцёл Св. Андрэя >

Першы драўляны касцёл, які стаяў на гэтым месцы, быў знішчаны рускімі войскамі падчас «Крывавага патопу» (вайны 1654-1667 гг.). У 1775 г. тут была ўзведзена мураваная каталіцкая святыня ў стылі віленскага барока, закрытая рускімі ўладамі пасля паўстання 1830-1831 г. У 1925 г. храм быў адноўлены польскімі рэстаўратарамі. Пасля Другой сусветнай вайны савецкія ўлады наладзілі ў касцёле склад солі. Толькі ў 1990 г. храм быў зноў адрэстаўраваны і вернуты вернікам.