< Кацельня-Баярская >

Паселішча вядома з пачатку XVI ст. Магчыма, гэтымі землямі некалі валодаў магнацкі род Радзівілаў. У 1609 г. узведзены каменны храм у стылі готыкі і рэнесансу. Да якой канфесіі ён першапачаткова адносіўся, невядома, аднак па архітэктурным стылі можна меркаваць, што ён быў каталіцкім ці уніяцкім. Сёння гэта Спаса-Праабражэнская праваслаўная царква, адрэстаўраваная і адкрытая для вернікаў.