< Любань >

Гэты каменны крыж усталяваны побач з могілкамі, каля дарогі, якая вядзе на вёску Іжа, ля велізарнай хвоі на штучным пагорку. Прыгожыя прапорцыі гэтага паклоннага крыжа бачныя здалёк. Па мясцовай легендзе, ён усталяваны на месцы апошняга спаткання маладога шляхціца з прыгажуняй-сялянкай, якая па волі ўладальніка тутэйшага маёнтка, бацькі гэтага хлопца, павінна была пераехаць з бацькамі на іншае месца жыхарства. Крыж няўдала «прыватызаваны» праваслаўнай царквой.