< Манастыр францысканцаў >

Драўляны манастыр і касцёл пабудаваныя ў 1653 г. Быў знішчаны рускімі войскамі падчас «крывавага патопу» – вайны 1654-1667 гг. Каменны касцёл Маці Божай Анёльскай у стылі барока збудаваны з цэглы ў самым канцы XVIII ст. Пасля паўстання 1863-1864 гг. закрыты раней манастыр царскія ўлады выкарыстоўвалі як турму, якая дзейнічала тут да канца 1920-х гг. З 1991 г. гэта святое месца ізноў знаходзіцца пад апекай ордэна францысканцаў.