< Палац >

Магчыма, сядзіба была закладзена першымі ўладальнікамі ўжо ў пачатку XIX ст. Той выгляд, які можна ўбачыць сёння, палац канчаткова набыў да канца 60-х гг. XIX ст. Узводзілі яго памешчыкі Чарнышавыя-Круглікавы з цэглы ў стылі позняй готыкі. Акрамя ляпнога вонкавага дэкору, пабудова палаца мае мноства чыгунных элементаў упрыгажэння, асабліва на прыбудаванай летняй тэрасе, якая выходзіць да пейзажнага парку і спадзістых берагоў Сожа.