< Палац Храптовічаў >

Яшчэ адзін былы палац, збудаваны ў стылі класіцызму ў 40-я гады XVIII ст. па вул. Замкавая, 16 на сродкі будучага гарадскога старасты Караля Храптовіча. Пабудова мае невялікі замкнёны дворык, патрапіць у які з вуліцы можна праз арачны праезд. Над аркай захаваўся ляпны герб горада. Палац таксама з'яўляўся ўласнасцю А. Тызенгаўза і Ф. Мучынскага, пазней належаў роду Ляхніцкіх. У 1790 г. палац быў значна перабудаваны па праекце архітэктара М. Кнакфуса.