< Ушачы

У пісьмовых крыніцах Ушачы згадваюцца з пачатку XVI ст. у складзе Полацкага ваяводства ВКЛ. У 1758 г. Ушачы атрымалі Магдэбургскае права і ўласны герб. Захавалася радавая забудова горада (ХІХ ст.). На вул. Школьнай, 6 стаіць домік Р. Барадуліна. Паравы млын, пабудаваны ў 1884 г., ляжыць у руінах. У 1908 г. з цэглы пабудаваны каталіцкі храм Св. Лаўрэнція ў стылі неаготыкі. У 1930-я гг. ён быў закрыты савецкімі ўладамі. Пасля Другой сусветнай вайны храм згубіў дзве вялікія вежы-званіцы з боку галоўнага фасада. У 2001 г. касцёл вярнулі вернікам.