Маршрут Васілішкі >
Кропкі маршрута Васілішкі
Як мястэчка вядомае з 1450 г. З 1641 г. жыхары мястэчка карысталіся магдэбургскім правам і ўласным гербам. У 1875 г. з каменю і цэглы ўзведзеная Спаса-Праабражэнская царква ў стылі эклектыкі. Выдатна захаваліся будынкі сінагагальнага двара (ХІХ ст.): вялікая сінагога і сінагога малая. Варта ўдзяліць час радавой забудове ХІХ ст.
З 1486 г. паселішча вядомае як мястэчка ў складзе ВКЛ. У 1769 г. з цэглы ўзведзены касцёл Св. Яна Хрысціцеля ў стылі позняга барока. У 1832 г. ён быў прыстасаваны пад царкву, а ў 1919 г. вернуты каталікам. З 1928 г. касцёл не дзейнічаў. У 1980 г. ён быў адрэстаўраваны і зноў пачаў працаваць. Варта палюбавацца дамамі радавой забудовы канца XVIII ст.
У дарогі, якая вядзе на Васілішкі, непадалёк ад невялічкай вёскі Клешнякі, за шчыльным зараснікам лазы і яблань старога саду захаваўся вадзяны млын у дабротным стане. Ніжні паверх млына складзены з бутавага каменю, верхні – з бетонных блокаў. Пабудаваны млын ў канцы ХІХ ст.
У гэтай вёсцы захаваліся два раскошных сядзібных дома. У атачэнні старога парку ўзвышаецца сядзібны дом Іваноўскіх у стылі мадэрн, які носіць прыгожую назву "Лябёдка Іванаўская". Драўляны сядзібны дом у стылі народнага дойлідства сядзібы "Галавічполле" пабудаваны ў 1935 г. Сёння ён прыстасаваны пад каталіцкую капліцу.
У 1882 г. на могілках узведзеныя цагляныя капліца-пахавальня і брама ў стылі неакласіцызму. У 1905 г. у стылі неаготыкі пабудаваны цагляны касцёл Св. Станіслава, яго акружае каменная агароджа з прыгожай брамай. Побач з касцёлам знаходзіцца трохпавярховая плябанія і вельмі мілая невялікая гаспадарчая пабудова, падобная да ўтульнага жылога доміка.
Сярод зеляніны невялікага парку можна ўбачыць мілы будынак польскай школы, пабудаваны ў 1930 г. На першы погляд здаецца, што гэта невялікі сядзібны дом. Царква Св. Мікалая ўзведзена ў псеўдарускім стылі з цэглы і часанага палявога каменю ў 1860 г. Царква пабудаваная па нудным тыпавым праекце, але ўдала ўпрыгожана.
Вядомае паселішча з XVI ст. Касцёл Унебаўзяцця Дзевы Марыі з дрэва ў стылі народнага дойлідства ўзведзены ў 1749 г. Адноўлены храм у 1880 г. У 1818 г. на могілках пабудаваная драўляная капліца Св. Георгія ў стылі народнага дойлідства. Цікавыя дамы радавой забудовы: жылы дом з цэглы, дом з калонамі і вялізная цагляная сінагога, пабудаваная ў 1849 г.
У 1898 г. з цэглы пабудаваны касцёл Св. Пятра і Паўла ў стылі неаготыкі. У 1953 г. ён быў зачынены і вернуты каталікам толькі ў 1988 г. Касцёл акружаны каменнай агароджай з брамай. Абавязкова трэба зайсці ў храм. Там пабудаваныя штучныя пячоры з гротам.
На тэрыторыі старых могілак з часанага сасновага бруса ўзведзены гэты храм у стылі народнага дойлідства з элементамі класіцызму. Лічыцца, што храм быў узведзены ў 1887 г., але, магчыма, ён быў пабудаваны крыху пазней. У 1990-я гг. царква Раства Іаана Прадцечы была адноўлена і адкрыта для вернікаў.
У 1882 г. на могілках узведзеныя цагляныя капліца-пахавальня і брама ў стылі неакласіцызму. У 1905 г. у стылі неаготыкі пабудаваны цагляны касцёл Св. Станіслава, яго акружае каменная агароджа з прыгожай брамай. Побач з касцёлам знаходзіцца трохпавярховая плябанія і вельмі мілая невялікая гаспадарчая пабудова, падобная да ўтульнага жылога доміка.
Фотагалерэя