Дзісна

У цэнтры невялікага пейзажнага парку маёнтка Корсакаў у 1912 г. узведзены цагляны сядзібны дом у стылі класіцызму. Сёння ў ім размяшчаецца лячэбная ўстанова. У добрым стане захавалася мноства гаспадарчых пабудоў, якія цяпер выкарыстоўваюцца нават як жылыя памяшканні. На могілках можна ўбачыць капліцу-пахавальню ўладароў тутэйшага маёнтка. Пабудавана яна ў стылі неарускай архітэктуры з цэглы ў 1910 г.