< Дом масонаў >

Знаўцы гісторыі горада сцвярджаюць, што ў гэтым доме збіраліся на свае пасяджэнні члены тайнага таварыства масонаў. З пачатку XIX ст. у Мінску існавала масонская ложа «Паўночная паходня», у якую, па чутках, уваходзілі многія высокапастаўленыя чыноўнікі сталіцы, уключаючы нават віцэ-губернатара. Пабудаваны дом з цэглы ў сярэдзіне XVIII ст. у самым канцы непрыкметнай і ціхай вулачкі. Сёння ў ім дзейнічае музей гісторыі тэатральнай і музычнай культуры.