< Касцёл Св. Барбары >

Пабудавана гэтая каталіцкая святыня ў неараманскім стылі і стылі барока з цэглы ў 1785 г. Стаіць касцёл на старых каталіцкіх могілках, абнесены агароджай з цэглы з велічнай арачнай брамай (1880 г.). У 1920-я гг. касцёл быў зачынены савецкімі ўладамі, з храма былі вывезены ўсе каштоўнасці, а сам ён ператвораны ў склад хімічных угнаенняў. Падчас Другой сусветнай вайны касцёл быў пашкоджаны, і толькі ў 1993 г. яго адрэстаўравалі і вярнулі вернікам.