< Манастыр Святога Духа >

Па сведчаннях з пісьмовых крыніц, гэты праваслаўны манастыр быў заснаваны ў 1345 г. княгіняй Юліянай, жонкай вялікага князя літоўскага Альгерда. У вайне з Масковіяй 1654-1667 гг. царква пры кляштары была разбурана. У 1855 г. манастыр быў зачынены. Зноў пабудаваная царква была знесена ў 1947 г. савецкімі ўладамі. У 2001 г. манастыр зноў пачаў сваю дзейнасць у будынку, пабудаваным у сярэдзіне XIX ст.