< Мост Вартавы і Купецкі мост >

У рысах моста ёсць нешта ўсходняе, японскае. Ён падобны на застылага стража, які стаіць у цішыні, адказны за парадак і спакой дня будучага.
Легенда кажа, што адзін купец прайграў у карты ўсю сваю маёмасць, ды яшчэ, стоячы на гэтым самым мосце, даведаўся, што яго адзіная дачка збегла з гусарам. Тут жа няшчасны бацька пакляўся адрадзіць свой маёнтак, што ў рэшце рэшт і зрабіў, а праз нейкі час да бацькі вярнулася і ўцякачка-дачка.