< Парэчча (капліца) >

Старажытны шляхецкі род Пуцят герба «Сыракомля» вядомы на землях ВКЛ з сярэдзіны ХV ст. Акрамя сядзіб у Старым Шацку і Габрылеўцы гэты род валодаў і дастаткова вялікай сядзібай у Парэччы. Пейзажны парк, сядзібны драўляны дом, гаспадарчыя будынкі да нашага часу не захаваліся. Можна толькі ўбачыць руіны радавой капліцы-пахавальні і адной з каменных гаспадарчых пабудоў. Капліца з апрацаванага каменю ўзведзена, магчыма, у 50-я гг. XIX ст. Руіны патрабуюць тэрміновай кансервацыі.