< Станькава. Стайня >

Яшчэ адна пабудова, якая ўваходзіць у комплекс гаспадарчых будынкаў, збудаваных на тэрыторыі шляхецкага роду Чапскіх у Станькаве, – стайня. Прысадзістая прадаўгаватая пабудова з нізка пасаджанымі невялікімі вокнамі складзеная з палявога каменю. Аконныя праёмы аформлены цагляным мурам, куты зроблены з часаных каменных квадратаў. Пабудавана стайня ў самым канцы XIX ст. Сёння ў ёй знаходзіцца вытворчае памяшканне.