< Яўрэйскія могілкі

Яўрэйская абшчына Клецка згадваецца ў пісьмовых крыніцах з сярэдзіны XVI ст. Перад Другой сусветнай вайной трэць насельніцтва горада складалі габрэі. Старажытныя яўрэйскія могілкі размешчаны ля дарогі, якая вядзе з горада на Ляхавічы. Закладваўся пагост, магчыма, у пачатку XVII ст. Падчас Другой сусветнай вайны нацыстамі было знішчана практычна ўсё яўрэйскае насельніцтва Клецка. Сёння могілкі маюць патрэбу ў добраўпарадкаванні.