Мсціслаў. Вучылішча

/ Апісанне

На сёняшняй вуліцы Савецкай, 10, адразу за былой Траецкай царквой, стаіць двухпавярховы будынак былога павятовага вучылішча. Пабудаваны ён у 1826 г. з цэглы ў класічным стылі. Будынак і па сённяшні дзень выкарыстоўваецца як навучальная ўстанова. Існуе вельмі мала пісьмовых звестак наконт таго, як з цягам часу змяняліся вонкавы выгляд вучылішча і яго ўнутраная планіроўка. Каля аднаго з уваходаў можна ўбачыць сучасны помнік настаўніку.