Маршрут Бабруйск >
Кропкі маршрута Бабруйск
На вул. Крупская захавалася ўнікальная мемарыяльная вежа, узведзеная ў 1926 г. На вул. Пралетарская знаходзіцца воданапорная вежа (1927 г.). Сёння ў ёй размяшчаецца невялікі рэстаран. У Пажарным завулку – дзеючае пажарнае дэпо (1903 г.). Над ім узвышаецца невялікая аглядная вежа, з якой у свой час пажарны звон папярэджваў гараджан пра пажар.
Габрэйскія могілкі ў Бабруйску лічацца аднымі з найбуйнейшых у Беларусі. Першыя пахаванні былі праведзеныя ў 1920-я гг. Большасць надмагілляў з'яўляюццца архітэктурнай каштоўнасцю і выраблены з мармуру і граніту.
Абавязкова варта агледзець асабнякі Бабруйска, якія некалі належалі самым заможным жыхарам горада. Знаходзяцца яны на вул. Савецкая, 79 і 45, на вул. Пушкіна, 211. На вул. Інтэрнацыянальная, 25 можна ўбачыць вялізны драўляны дом, які некалі належаў багатай купчысе Каценельсон. Па легендзе, гэты дом быў перавезены з Прыбалтыкі і сабраны ў Бабруйску ў 1912 г.
Жаночая гімназія лічыцца адным з першых цагляных будынках горада. Пабудавана гімназія ў 1906 г. Пасля Другой сусветнай вайны ў гэтым будынку адкрылася педагагічнае вучылішча. У двары вучэбнай установы ў 2005 г. закладзена першая ў Беларусі Алея Праведнікаў, прысвечаная жыхарам горада, якія падчас вайны ратавалі габрэйскія сем'і.
Пабудаваны гэты цагляны каталіцкі храм у стылі неаготыкі на сродкі прыхаджан горада ў пачатку ХХ ст. Асноўны аб'ём храма захаваўся часткова. Знішчаны фасад пабудовы, і замест яго прыбудаваны пяціпавярховы будынак дзяржпрадпрыемства. На старых паштоўках можна ўбачыць, наколькі вытанчаным і ўзвышаным быў касцёл у першапачатковым выглядзе.
Згадваецца горад з XIV ст. Належаў Радзівілам, Гаштольдам, Глебавічам, Пацам. У 1810 г. зацверджаны праект будоўлі Бабруйскай крэпасці. Акрамя бастыёнаў былі ўзведзены будынкі складаў, шпіталя, казармы. На той час крэпасць лічылася найбуйнейшай у Еўропе і адносілася да абарончых збудаванняў першага класа. У сярэдзіне ХІХ ст. крэпасць служыла турмой для палітычных вязняў. Тут былі зняволеныя і ўдзельнікі паўстанняў 1830-1831 і 1863-1864 гг.
Выдатна захаваліся прафесійна адрэстаўраваныя будынкі радавой забудовы горада. У горадзе можна ўбачыць шмат каменных і драўляных пабудоў, якія захаваліся з сярэдзіны XVIII ст. На вул. Камсамольская, 14 і Савецкая, 77 можна ўбачыць будынкі банкаў, узведзеных тут у 1902 г.
Кафедральны сабор Св. Мікалая ў скверы Чалюскінцаў, які і многія іншыя рэлігійныя пабудовы ў Беларусі, чакаў пакутны лёс. Пабудавана святыня ў 1892 г. У 1930-я гг. храм быў разбураны, званы пераплаўленыя, а пасля Другой сусветнай вайны ў ім адкрылі басейн. З 2003 г. сабор пакрысе стаў аднаўляцца і прымаць вернікаў.
У Бабруйску захавалася вялікая колькасць сінагог. Доўгі час шмат з іх выкарыстоўваліся для разнастайных гаспадарчых патрэб. Пачынаючы з канца ХХ ст., асобныя культавыя пабудовы былі вернутыя іудзейскай канфесіі горада. На вул. Дзяржынскага, 22 захаваўся будынак іешывы, а на вул. Сацыялістычнай, 103 – маляўнічы будынак габрэйскага вучылішча, пабудаваны ў пачатку ХХ ст.
У Бабруйску знаходзіцца адразу некалькі праваслаўных цэркваў. На вул. Карбышава, 4 узвышаецца царква Св. Георгія (1905 г.), на вул. Клубная, 27 – драўляная царква Св. Духа, пабудаваная ў 1901 г. Драўляны храм у гонар Св. Іллі (1893 г.) можна ўбачыць на вул. Сікорскага, 38.
Фотагалерэя