Маршрут Будслаў >
Кропкі маршрута Будслаў
Паселішча вядомае з XVI ст. У 1732 г. Будслаў атрымаў статус мястэчка. У 1767 г. узведзены касцёл Унебаўзяцця Найсвяцейшай Дзевы Марыі у стылі барока. Пры будоўлі касцёла выкарысталі сцены бакавой капліцы XVII ст. У храме захоўваецца адна з каталіцкіх святынь Беларусі – абраз Будслаўскай Маці Божай. У капліцы захаваўся ўнікальны разны драўляны алтар (1643 г.). У Будславе таксама можна ўбачыць плябанію (ХІХ ст.), вадзяны млын (1920 г.) і будынак чыгуначнага вакзала (1869 г.).
Гэтая культавая пабудова ў сціплых рысах народнага дойлідства ўзведзена з дрэва ў 60-я гг. ХІХ ст. Магчыма, першапачаткова гэта была каталіцкая святыня. Доўгі час храм стаяў у запусценні, і толькі ў 1990-я гг. ён быў перададзены праваслаўнай царкве. Сёння храм вядомы як царква Св. Георгія.
Троіцкая царква ў рэтраспектыўна-рускім стылі ўзведзена з цэглы ў 1870 г. Захавалася прыдарожная капліца ХІХ ст. Касцёл Св. Станіслава ў стылі позняга класіцызму пабудаваны з цэглы ў 1853 г. Храм ніколі не закрываўся. Побач з касцёлам стаіць драўляная званіца (ХІХ ст.) і невялікая плябанія (ХІХ ст.). Захаваліся дзве сінагогі (1900 г.) і габрэйскія могілкі.
Большасць падобных камянёў, вядомых як Барысавы камяні, была знішчана. Адзін з іх у 1888 г. увезлі ў Расію. Другі быў узарваны ў 1930 г. і пакладзены ў аснову дарогі. На большасці падобных валуноў ХІІ ст. былі выбітыя крыжы і надпісы. Адзін з трох камянёў, якія захаваліся ў Беларусі, знаходзіцца ў гэтай вёсцы.
Узведзена каталіцкая капліца Св. Ганны ў стылі неакласіцызму з палявога каменю ў 1852 г. Пасля паўстання 1863-1864 гг. перабудаваная як праваслаўная капліца. У 1920-я гг. вернута каталікам. Да 1990-х гг. стаяла ў руінах. Сёння над капліцай зноў высіцца праваслаўны крыж.
была перабудаваная з уніяцкага храма, які стаяў на гэтым месцы з пачатку XVIII ст. Будынак чыгуначнага вакзала ўзведзены ў 1905 г. На могілках стаіць цагляная капліца ў стылі мадэрн (ХІХ ст.). Тут захаваліся пахаванні удзельнікаў паўстання 1863–1864 гг.
Былое мястэчка вядомае з самага канца XV ст. Маёмасць шляхецкіх родаў Корсакаў, Кішкаў, Хоцькаў, Швыкоўскіх. Захаваўся касцёл Св. Андрэя Апостала, узведзены ў стылі барока ў 1796 г., і жылы корпус кляштара трынітарыяў. Пасля паўстання 1830–1831 гг. кляштар быў зачынены царскімі ўладамі. На месцы старажытнага драўлянага храма (1642 г.) у 1887 г. быў пабудаваны каменны праваслаўны храм у гонар Св. Троіцы. Каля паселішча можна ўбачыць габрэйскія могілкі і могілкі польскіх салдат (1922 г.).
Непадалёк ад вёскі, па дарозе на Старыя Габы, ляжыць ў руінах праваслаўная царква, узведзеная з цэглы ў рэтраспектыўна-рускім стылі ў 1868 г. Царква стаіць у маляўнічым месцы, але нядаўна побач з руінамі ўладзілі сіласную яму.
Пабудавана царква Нараджэння Багародзіцы ў 1865 г. па тыпавым праекце. Узведзена яна з апрацаванага палявога каменю і цэглы ў рэтраспектыўна-рускім стылі. Да 1993 г. святыня не дзейнічала і была ў напаўразбураным стане.
Зусім побач з Крывічамі, на маляўнічым беразе ракі Сервеч, да нашых дзён захаваўся будынак вадзянога млына. Пабудаваны ён з часанага бруса ў 1921 г. Сёння млын закінуты.
Фотагалерэя