Маршрут Паставы >
Кропкі маршрута Паставы
Царква Нараджэння І. Хрысціцеля пабудавана ў гэтай вёсцы з бутавага каменю і цэглы ў 1875 г. У 1990-я гг. святыня была адноўленая. Моцная каменная агароджа вакол храма з’явілася, магчыма, нядаўна. Варта звярнуць увагу на ўдалае спалучэнне атынкаваных і пабеленых кутоў царквы, аконных праёмаў і маляўнічых сцен, складзеных з апрацаванага палявога каменю.
Заснавана паселішча ў пачатку XVI ст. Касцёл Св. І. Хрысціцеля пабудаваны ў 1603 г. Янам Дусяцкім-Рудамінам. Узведзена святыня ў стылі готыкі і рэнесансу. У 1861 г. храм быў адрэстаўраваны. Храм дзейнічае і ў цяперашні час. Побач з касцёлам у скверыку ўсталяваны каменны крыж XIV ст.
Як мястэчка ВКЛ паселішча вядома з 1459 г. Уладальнікамі былі Астроўскія, Гільзены, Бучынскія. Сядзіба Бішэўскіх уключае сядзібны дом (1907 г.) у стылі неарэнесанса, трывалы мост, службовы флігель, капліцу, гаспадарчыя пабудовы, бровар, вежу-лядоўню, вяндлярню. На могілках знаходзяцца 15 аднатыпных каменных капліц, збудаваных у XIX ст., і прыгожы каменны крыж.
Мястэчка ВКЛ згадваецца ў пісьмовых крыніцах з 1529 г. Належала Шэметам, Зіновічам, Жабам. За ракой, на ўзвышшы, можна ўбачыць руіны капліцы-пахавальні Друцкіх-Любецкіх. Пабудаваная яна з каменю і цэглы ў стылі класіцызму ў 1822 г. У вёсцы захавалася Успенская царква ў рэтраспектыўна-рускім стылі, збудаваная з цэглы ў 1871 г.
На могілках у 1816 г. у стылі позняга класіцызму пабудавана цагляная каталіцкая капліца Св. Дзевы Марыі з арачнай брамай. Капліца адрэстаўраваная, добраўпарадкаваная тэрыторыя.
Вядомыя як мястэчка ВКЛ з 1552 г. Пасля вайны з Расіяй 1654-1667 гг. ад мястэчка засталося тры дамы. Упрыгожанне горада – радавая забудова ў цэнтральнай яго частцы. Захаваліся вадзяны млын (XIX ст.), палац Тызенгаўза (1788 г.), сінагога (1894 г.). Касцёл Св. А. Падуанскага ў стылі неаготыкі збудаваны у 1880 г. Аднаўляўся ў 1920 і 1939 гг. З 1939 г. па 1982 г. касцёл быў зачынены.
Паводле легенды, раней тут знаходзілася паганскае капішча, да якога прыходзілася дабірацца праз возера. Возера таксама лічылася святым. Захавалася некалькі камянёў з высечанымі на іх крыжамі, магчыма, надмагільных. Ёсць версія, што тут знаходзіўся старадаўні каталіцкі пагост.
Раней гэтая вёска называлася Кубаркі. Капліца ў стылі позняга класіцызму пабудавана з каменю і цэглы ў сярэдзіне XVIII ст. Яна знаходзіцца ў 500 м ад дарогі Р-45, паміж вёскамі Кубаркі і Забалоцце. Капліца акружаная ровам. Тэрмінова мае патрэбу ў кансервацыі.
Фотагалерэя
