Гатэль «Еўропа»

/ Апісанне

У сярэдзіне 80-х гг. XIX ст. у горадзе існавала ўсяго каля пяці каменных жылых пабудоў. Паступова іх колькасць павялічвалася. З адкрыццём чыгуначнага руху з Магілёва ў Жлобін у 1902 г. у горадзе была пабудавана чыгуначная станцыя. Магчыма, у гэты ж час узнікае патрэба з’яўлення ў горадзе і будынка гасцініцы. Была яна пабудавана з цэглы ў адзін паверх і акрамя жылых нумароў мела невялічкую краму. З цягам часу будынак неаднаразова дабудоўваўся. Асабліва быў зменены выгляд даху і франтонаў.