Маршрут Месткавічы >
Кропкі маршрута Месткавічы
У 1787 г. на месцы старажытнага ўніяцкага храма пабудавана новая драўляная святыня. Пасля падаўлення паўстання 1863-1864 гг. была разабраная прыбудова бабінца з высокай, магчыма, трох'яруснай вежай-званіцай. Прыкладна ў той жа час побач з святыняй узведзена асобная двух'ярусная званіца. Храм асвечаны ў гонар Раства Багародзіцы.
Як сцвярджаюць мясцовыя жыхары і прыхаджане царквы Раства Багародзіцы, першы драўляны храм на гэтым месцы быў пастаўлены на сродкі ўладароў мясцовага маёнтка Скірмунтаў. Ён быў разабраны рускімі войскамі ў гады Першай сусветнай вайны. Цяперашняя святыня была збудаваная на аснове жылога дома ў 1922 г. У гады нямецкай акупацыі была спустошаная. Пасля Другой сусветнай вайны савецкія ўлады закрылі храм, і толькі ў 1987 г. царква зноў пачала прымаць вернікаў.
Паселішча Каўбы вядомае з XV ст. Яно размясцілася зусім побач з ракой Стыр. Мясцовы маёнтак належаў роду Колб-Сялецкіх. Тут захавалася невялікая капліца ў стылі неакласіцызму, пабудаваная з цэглы ў канцы XVIII ст. У 1916 г. у Каўбах нейкі час жыў Аляксандр Блок. Ён замаляваў гэтую капліцу ў лісце сваёй жонцы, якая жыла ў Петраградзе.
Шляхецкі маёнтак Юхновічаў вядомы з XV ст. З пачатку XVI ст. і да 1939 г. навакольнымі землямі на працягу дзесяці пакаленняў валодаў знакаміты шляхецкі род Ордаў герба Астоя. Ад маёнтка захаваліся толькі фрагменты парку. Затое ў самым цэнтры вёскі можна ўбачыць драўляную царкву Раства Багародзіцы ў стылі народнага дойлідства, пабудаваную ў 1872 г. Побач з храмам у 1940-я гг. усталяваная скульптура Ісуса.
Сярод заліўных лугоў ракі Прыпяць прывольна раскінулася вёска Месткавічы. Да яе вядзе дарога Р147. У вёсцы знаходзіцца праваслаўная царква Св. Троіцы. Пабудавана святыня з дрэва ў стылі народнага дойлідства ў 1897 г. У рысах храма праглядаецца і класічны стыль, і рэтраспектыўна-рускі стыль.
У 1794 г. у цэнтральнай частцы вёскі ўзведзена гэтая драўляная царква ў стылі народнага дойлідства з элементамі класіцызму. Асноўным цікавым рашэннем быў пірамідападобны дах асноўнай малітоўнай залі святыні. Пры перабудове пасля 1864 г. дах царквы змянілі. У канцы ХІХ ст. каля храма паставілі драўляную двух'ярусную званіцу.
Вытанчаная праваслаўная святыня ў гэтай вёсцы ўзведзеная з дрэва ў стылі народнага дойлідства. Стаіць царква Раства Багародзіцы прыкладна ў цэнтры вёскі з 1888 г. Купалы святыні выдатна спалучаюцца з высокімі дрэвамі, якія атачаюць храм.
Узведзены мясцовы храм у стылі народнага дойлідства з элементамі барока з дрэва ў 1830 г. на бераза рекі Піны. Хутчэй за ўсё, цяперашняя Пакроўская царква стаіць на месцы больш старажытнага ўніяцкага храма, які ўзвышаўся тут прыкладна з сярэдзіны XVII ст. У цяперашнім храме некалі захоўвалася частка яго іканастаса (царская брама канца XVII ст.).
На шырокім пакатым узвышшы, на краі ажыўленай трасы, якая вядзе з Лагішына ў Пінск, можна ўбачыць драўляную праваслаўную святыню – Узнясенскую царкву, – пабудаваную тут у 1855 г. Царква выканана ў стылі народнага дойлідства з элементамі класіцызму. Упрыгожаннем храма з'яўляецца вытанчаная двух'ярусная званіца з вялікімі вітражнымі вокнамі на другім паверсе і трыма блізкімі па канструкцыі ганкамі з дзвюма драўлянымі калонамі.
Фотагалерэя