Маршрут Опса >
Кропкі маршрута Опса
У Ахрэмаўцах захавалася знакамітая сядзіба "Бельмонты". З XVIII ст. яна належала роду Гальзенаў, потым графу Мануцці. З ХІХ ст. сядзіба перайшла ва ўладанне рода Плятэраў. Пры іх у сядзібе ўзведзена велічная цагляная радавая капліца-пахавальня з маляўнічай каменнай агароджай з брамамі. Пейзажны парк сядзібы захаваўся толькі часткова.
Ад былога шляхецкага маёнтка роду Лапацінскіх захавалася толькі некалькі гаспадарчых пабудоў, складзеных з каменю і цэглы. Прыкладна ў цэнтры вёскі ўзвышаецца касцёл Св. Іосіфа ў стылі позняга класіцызму. Пабудаваны касцёл з палявога каменю ў 1836 г. У 1930-я гг. храм быў закрыты. Святыня была адноўленая і зноў адкрытая для вернікаў у 1989 г.
У Браславе захавалася праваслаўная Успенская царква, узведзеная з цэглы ў рэтраспектыўна-рускім стылі ў 1897 г. Касцёл Раства Дзевы Марыі ў неараманскім стылі пабудаваны з каменю і цэглы ў 1824 г. Варта ўдзяліць увагу радавой забудове горада, якая захавалася з ХІХ ст. Тут таксама можна ўбачыць адноўлены будынак вадзянога млына (1836 г.).
У пісьмовых крыніцах згадваецца з сярэдзіны XVI ст. У 1532 г. належала шляхецкаму роду Мікулічаў. Наступныя 200 гадоў было ўласнасцю рода Сапегаў. У сярэдзіне XVIII ст. тут дзейнічаў уніяцкі храм. Петрапаўлаўская царква ў рэтраспектыўна-рускім стылі пабудавана з цэглы ў 1909 г. Падчас Другой сусветнай вайны святыня была разбураная, а аднавілі яе толькі ў 1996 г.
Тут захаваўся каменны млын з унікальнымі арнаментамі ў выглядзе жывёл і раслін. Пабудаваны млын ў сярэдзіне XVIII ст. Літаральна за апошнія дзесяць гадоў гэтаму архітэктурнаму помніку нанесены сур'ёзны ўрон. Непадалёк стаіць драўляны дом млынара.
Дагэтуль невядома, каму належала сядзіба, якая існавала тут з сярэдзіны ХІХ ст. Гледзячы па пабудове, якая засталася ад сядзібы, гаспадары гэтых зямель мелі добры дастатак, калі маглі сабе дазволіць ставіць падобныя дамы для рабочых. Узведзены гэты цагляны будынак са скляпеністымі сутарэннямі прыкладна ў 80-я гг. ХІХ ст. У доме і сёння жыве некалькі сямей.
Маёнтак роду Плятэраў у Опсе захаваўся дастаткова добра. Цагляныя пабудовы маёнтка ў стылі класіцызму ўзведзены ў самым пачатку ХХ ст. Комплекс маёнтка ўключае ў сябе мноства гаспадарчых пабудоў, каменную агароджу, лядоўню, жылы дом і флігель. Арачны мост і лесвіца ад палаца да берага возера з'яўляюцца ўнікальнымі архітэктурнымі помнікамі. Вартая ўвагі радавая забудова пасёлка (ХІХ ст.). Касцёл Св. Яна Хрысціцеля пабудаваны з цэглы ў гатычным стылі ў 1887 г. Храм акружае вытанчаная агароджа з каменю і цэглы. Побач з касцёлам знаходзіцца плябанія (1882 г.).
Магчыма, гэта былы маёнтак роду Лапацінскіх. Час будоўлі гаспадарчых пабудоў, якія засталіся ад маёнтка, можна дакладна вызначыць па даце, выкладзенай мелкім шчэбнем на сцяне адной з пабудоў, – 1820 г. Толькі гэта сведчыць аб тым, што перад намі будынкі двухсотгадовага ўзросту. Сцены пабудоў упрыгожаныя мазаічнымі малюнкамі, выкладзенымі каляровым шчэбнем на сырой тынкоўцы, што робіць гэтыя будынкі каштоўнай архітэктурнай адметнасцю.
Пісьмовыя звесткі пра паселішча датуюцца пачаткам XVI ст. Першапачаткова гэта былі вялікакняжацкія ўладанні, потым Плюсы перайшлі ва ўласнасць рода Сальмановічаў. На іх сродкі тут узведзены касцёл Св. Троіцы ў гатычным стылі. Пабудаваны касцёл з апрацаванага палявога каменю і цэглы ў 1904 г.
Мясцовы цагляны храм узведзены ў неараманскім стылі на сродкі князёў Мірскіх у 1906 г. Высокая агароджа святыні складзена з апрацаванага каменю. Трохнефавая базіліка ўнікальна сваім унутраным дэкорам. Варта ўдзяліць час, каб палюбавацца роспісамі і каванымі дэталямі ўнутранага ўбрання храма. Асвечаны храм у гонар Божага Наканавання.
Фотагалерэя