Маршрут Мінск-2 >
Кропкі маршрута Мінск-2
У канцы ХVII ст. з цэглы ўзведзены касцёл Св. Дзевы Марыі ў стылі барока. У 1722 г. побач пабудаваны корпус калегіума з трох’яруснай вежай. З 1917 г. у ім знаходзілася грамадская ўстанова. Падчас Другой сусветнай вайны касцёл дзейнічаў. У 1951 г. калегіум быў знесены, a касцёл абсталяваны пад спартыўную залу. У 1990 г. храм вернуты каталікам. У 1993-2005 гг. праводзіліся рэстаўрацыйныя работы польскімі архітэктарамі і будаўнікамі.
Цагляны касцёл у неараманскім стылі пабудаваны ў 1908 г. па праекце польскага архітэктара Т. Пайздерскага. У 1923 г. святыня была разрабаваная, зачыненая і пераабсталяваная пад польскі тэатр. Падчас Другой сусветнай вайны касцёл дзейнічаў. У 1946 г. у касцёле размяшчалася кінастудыя, з 1975 г. – Дом кіно. З 1990 г. храм адкрыты для вернікаў. Да 2000 г. у касцёле праводзіліся рэстаўрацыйныя работы.
Пабудаваны ў 1624 г. пры кляштары бернардзінцаў у стылі позняга барока з цэглы. Перабудоўваўся пасля пажараў у 1752 і 1838 гг. Пасля паўстання 1863-1864 гг. у касцёле і кляштары ўтрымліваліся пад вартай паўстанцы. 1872 г. у касцёле знаходзіўся архіў. У 1984 г. быў адрэстаўраваны знешні выгляд храма. Сёння ў святыні – архіў-музей літаратуры і мастацтва Беларусі.
У 1642 г. сабор быў збудаваны з цэглы ў стылі віленскага барока як касцёл пры кляштары бэрнардынак. Пасля паўстання 1863-1864 гг. у храме пад вартай ўтрымліваліся паўстанцы. У 1869 г. манастыр быў зачынены, a касцёл перададзены праваслаўным вернікам. У 1870 г. пераасвячоны як царква Святога Духа. З 1918 г. у касцёле знаходзілася спартыўная зала, архіў. У 1950 г. праведзены рамонт святыні. У канцы ХХ ст., пасля аднаўленчых работ, храм набыў сучасны выгляд.
Жылы корпус манастыра Святога Духа базыльянак размешчаны па адрасе вул. Энгельса, 1. Гэтая пабудова лічыцца адным з самых старажытных будынкаў у горадзе. Узведзены ён быў у 50-я гг. XVII ст. Пабудовы кляштарнага комплексу былі выкананы ў стылі рэнесансу і барока. У 1795 г. манастыр быў зачынены, а царква Святога Духа перададзена праваслаўным. У 1936 г. святыня была ўзарваная савецкімі ўладамі. У першае дзесяцігоддзе XXI ст. храм манастыра быў адноўлены, у яго сценах размясцілася канцэртная зала.
Да 1917 г. у горадзе дзейнічала 93 культавыя пабудовы габрэйскай культуры. Габрэі складалі 52% жыхароў горада. Да 1936 г. адной з дзяржаўных моў краіны быў ідыш. На сённяшні дзень захаваўся перабудаваны будынак харальнай сінагогі на вул. Валадарскага. Зараз гэта Нацыянальны драматычны тэатр. Кітаеўская сінагога, пабудаваная ў 1874 г., знаходзіцца ў Траецкім прадмесці. Сёння гэта Дом прыроды. Астатнія будынкі сінагог, якія захаваліся, перабудаваныя да непазнавальнасці.
У глыбіні квартала, на старадаўніх каталіцкіх могілках Залатая Горка, у 1864 г. з цэглы збудаваны Траецкі касцёл у рэтраспектыўна-гатычным стылі. Пры касцёле доўгі час існавала вядомая школа арганістаў. У 1883-1884 гг. памяшканне святыні было адведзена пад залу камернай музыкі. У 2006 г. храм быў адрэстаўраваны і перададзены каталікам. Вокны святыні ўпрыгожваюць мастацкія вітражы.
Пабудавана царква на вайсковых могілках у рэтраспектыўна-рускім стылі ў 1896 г. у гонар перамогі рускіх войскаў у руска-турэцкай вайне 1877-1878 гг. Яна належала ваеннаму ведамству. Падчас Другой сусветнай вайны храм дзейнічаў. У 1982 г. праведзены рэстаўрацыйныя і аднаўленчыя работы. Недалёка ад царквы пахаваныя народныя песняры Беларусі Янка Купала і Якуб Колас.
Пабудавана царква ў стылі класіцызму ў 1847 г. на месцы старога драўлянага храма. У 1937 г. касцёл зачынілі і пераабсталявалі пад майстэрні. Падчас Другой сусветнай вайны храм дзейнічаў. З 1949 г. у царкве працаваў архіў. У 1990 г. святыня была адрэстаўраваная і адкрытая для вернікаў. Пасля некалькіх перабудоў царква набыла рысы рэтраспектыўна-рускага стылю.
У 1611 г. з дазволу польскага караля Жыгімонта III была ўзведзена царква Св. Пятра і Паўла ў стылі барока. Каля двух стагоддзяў яна была адзіным праваслаўным храмам у каталіцкім Мінску. У 1795 г. царква была пераасвячоная ў Свята-Кацярынаўскі кафедральны сабор. На працягу ўсяго XIX ст. яна неаднаразова перабудоўвалася і аднаўлялася. У 1917 г. была зачынена. Дзейнічала падчас Другой сусветнай вайны. З 1945 г. у касцёле знаходзіўся архіў. У 1991 г., пасля рэстаўрацыі, царква вернута вернікам.
Фотагалерэя